మీ వెంట మేముంటాం..

ఎవరైనా మిమ్మల్ని సామాజిక మాధ్యమాల ద్వారా వేధింపులకు గురిచేసినా, మిమ్మల్ని బ్లాక్ మెయిల్ చేసినా, మీరు పని చేస్తున్న ప్రదేశంలో ఎవరైనా ఇబ్బంది పెట్టినా వెంటనే షీటిమ్స్ సంప్రదించాలని రామగుండం పోలీస్ కమిషనర్ శ్రీనివాస్ స్పష్టం చేశారు. కమిషనరేట్లో షీ టీమ్ పోస్టర్లను ఆవిష్కరించారు. ఈ సందర్బంగా మాట్లాడుతు మీరు పని చేసే ప్రదేశాలలో స్వేచ్ఛగా సురక్షితంగా పనిచేయడం ఒక మహిళ ఉద్యోగిగా మీ హక్కు అని గుర్తు చేశారు. పిల్లలు, విద్యార్ధినిలు, యువతులు, మహిళల రక్షణే ప్రధాన లక్ష్యం అని స్పష్టం చేశారు.

మీరు ఎవరి వల్లనైనా ఇబ్బందికి గురైతే భయపడవద్దని, వెంటనే డయల్ 100 కానీ, పోలీస్ అధికారులను కానీ, షీ టీమ్స్ వాట్సాప్ 6303923700, ఫేస్బుక్ : Sheteam Ramagundam, ట్విట్టర్ : Sheteamrgm, ఇన్ స్టాగ్రామ్: sheteamrgm ద్వారా సంప్రదించాలన్నారు. తల్లిదండ్రులు రోజు కాసేపు మీ పిల్లలతో మాట్లాడాలని, సమయం కేటాయించాలని కోరారు. సమాజంలోని మంచి చెడుల గురించి అర్థమయ్యేలా వారికి చెప్పాలన్నారు.

కార్యక్రమంలో అడిషనల్ డీసీపీ అడ్మిన్ రాజు, స్పెషల్ బ్రాంచ్ ఏసిపి రాఘవేంద్రరావు, మంచిర్యాల జోన్ సిటీ ఇన్చార్జి ఎస్ఐ హైమ, పెద్దపల్లి మంచిర్యాల జోన్ పరిధి షీ టీమ్ సిబ్బంది పాల్గొన్నారు.