సీపీ అంబర్ కిషోర్ ఝా… అర్ధరాత్రి త‌నిఖీలు
Ramagundam Police Commissionerate : రామగుండం పోలీస్ కమీషనర్ గా బాధ్యతలు స్వీకరించిన అంబర్ కిషోర్ ఝా అర్ధరాత్రి ఆక‌స్మిక త‌నిఖీలు చేప‌ట్టారు. రామగుండం రైల్వే స్టేషన్, గోదావరిఖని బస్ స్టాండ్, రామగుండం పోలీస్ స్టేషన్, పలుప్రాంతాల్లో ఆకస్మికంగా పర్యటించారు. అర్ధరాత్రి వేళ గోదావరిఖని, రామగుండం ప్రాంతంలో పరిస్థితి ఎలా ఉంటుంది..? పోలీసుల పెట్రోలింగ్, గస్తీ పరిస్థితి ఏ విధంగా ఉందనే విష‌యాన్ని ఆయ‌న ప్రత్యక్షంగా పరిశీలించారు. రైల్వేస్టేషన్, బస్ స్టేషన్లలో ప్రయాణికులతో మాట్లాడారు. అక్క‌డ పరిస్థితి అంచ‌నా వేశారు. అనంతరం రామగుండం పోలీస్ స్టేషన్ సైతం ఆకస్మికంగా తనిఖీ చేశారు. జీడీ బుక్ పరిశీలించారు. ఆ సమయంలో స్టేషన్‌లో ఉన్న సిబ్బంది వివరాలు, విధులను అడిగి తెలుసుకున్నారు. రాత్రి డ్యూటీ వివరాలపై సిబ్బందిని అడిగి తెలుసుకున్నారు .