బాసర ట్రిపుల్ ఐటీ వద్ద ఉద్రిక్తత.. సీపీఐ నారాయణ అరెస్ట్
![](https://naandinews.com/wp-content/uploads/2022/06/WhatsApp-Image-2022-06-16-at-6.01.40-PM1-750x430.jpeg)
నిర్మల్ జిల్లాలోని బాసర ట్రిపుల్ ఐటీ వద్ద విద్యార్థుల నిరసనలలో ఉద్రిక్తత నెలకొంది. ఈరోజు విద్యార్థులకు మద్ధతు ప్రకటించడానికి ట్రిపుల్ ఐటీకి వచ్చిన సీపీఐ నేత నారాయణను, విద్యార్థి సంఘాల నేతలను పోలీసులు అరెస్ట్ చేశారు. ఈ సందర్భంగా పోలీసులకు వ్యతిరేకంగా సీపీఐ నాయకులు నినాదాలు చేశారు. బాసర ట్రిపుల్ ఐటీలోకి ఎస్ఎఫ్ఐ నేతలు దూసుకెళ్లగా.. పోలీసులు అరెస్టు చేశారు.
ఈ సందర్భంగా తోపులాట జరిగింది. సమస్యలు పరిష్కరించాల్సిన సర్కారు అణచివేస్తుండడంపై విద్యార్థులు అగ్రహం వ్యక్తం చేస్తున్నారు. ఈసందర్భంగా సీపీఐ నేత నారాయణ మాట్లాడుతూ… చదువులేని విద్యాశాఖ మంత్రి వల్లే ఇన్ని సమస్యలు వచ్చాయన్నారు. కనీస వసతులు లేకపోవడంతో విద్యార్థులు ఆందోళన చేస్తున్నారన్నారు.