కుక్క‌కు ఉన్న ద‌య‌.. మ‌నిషికి లేక‌పాయే…

ఓ కర్కశ తల్లి తన బిడ్డను నిర్మానుష్య ప్రాంతంలో వదిలి వెళితే వీధి శునకమే తల్లిగా మారింది. తన బిడ్డలతో పాటే రాత్రంతా కాపలా కాసింది. ఎలాంటి హాని కలగకుండా రక్షణగా నిలిచింది.

ఈ సంఘటన ఛత్తీస్​గఢ్​ ముంగెలీ జిల్లాలో జరిగింది. జిల్లాలోని సారిస్తాల్​ గ్రామంలో.. వీధి శునకం, నాలుగు పిల్లలతో పాటు ఓ నవజాత శిశువు ఉన్నట్లు గ్రామస్థులు గుర్తించారు. రాత్రంతా ఆ పాపకు శునకాలే రక్షణగా నిలిచాయని తెలుసుకుని ఆశ్చర్యపోయారు. రాత్రి చలి తీవ్రత ఎక్కువగా ఉన్నప్పటికీ శిశువు ఆరోగ్యంగానే ఉన్నట్లు గుర్తించారు. అయితే, ఆ పాపను వదిలేసి వెళ్లిన వారి వివరాలు ఇంకా తెలియరాలేదు.

శునకాలతో పాటు శిశువు ఉన్నట్లు గుర్తించిన గ్రామస్థులు పాపను ఆసుపత్రికి తరలించి పరీక్షలు చేయించారు. ఆ తర్వాత పోలీస్​ స్టేషన్​కు వెంటనే లోర్మీ పోలీస్​ స్టేషన్​కు సమాచారం అందించారు. సంఘటనా స్థలానికి చేరుకున్న ఎస్సై చింతారామ్​ చిన్నారిని ముంగెలీకి తరలించి చికిత్స అందించారు. పాపకు ‘ఆకాంక్ష’ గా నామకరణం చేశారు అక్కడి చిన్నారుల సంక్షేమ కమిటీ సభ్యులు. పాపను ఎవరికి అప్పగించాలనే విషయాన్ని తేల్చే పనిలో పడ్డారు. మరోవైపు పాపను వదిలేసిన కుటుంబాన్ని గుర్తించేందుకు పోలీసులు చర్యలు చేపట్టారు.