ఐ-బొమ్మ నిర్వాహకుడు అరెస్ట్

I Bomma Website: తెలుగు సినిమా పైరసీకి అడ్డాగా నిలిచిన ప్రముఖ పైరసీ వెబ్‌సైట్‌ ఐ-బొమ్మ (I-Bomma) నిర్వాహకుడు ఇమ్మడి రవిని సీసీఎస్ పోలీసులు అరెస్టు చేశారు. ఫ్రాన్స్ నుంచి శుక్రవారం హైదరాబాద్ చేరుకున్న రవిని, ముందస్తు సమాచారంతో కూకట్‌పల్లి ప్రాంతంలో అదుపులోకి తీసుకున్నట్టు పోలీసులు వెల్లడించారు. కరేబియన్ దీవుల్లో ఉంటూ రవి ఐ-బొమ్మ వెబ్‌సైట్ గోప్యంగా నిర్వహించేవాడని దర్యాప్తులో బయటపడింది. ఈ వెబ్‌సైట్‌లో తెలుగు సినిమాలు, ఓటీటీ కంటెంట్‌ భారీగా పైరసీ రూపంలో అప్‌లోడ్‌ కావడంతో, అనేక మంది సినీ నిర్మాతలు పోలీసులకు ఫిర్యాదు చేశారు. నిర్మాతల ఫిర్యాదుల ఆధారంగా సీసీఎస్ పోలీసులు కేసు నమోదు చేసి దర్యాప్తు ప్రారంభించారు.

రవి కరేబియన్ దీవుల్లో ఉంటూ ఐ బొమ్మ వెబ్ సైట్ నిర్వహించేవాడు. ఈ వెబ్ సైట్ నిండా తెలుగు సినిమాల పైరసీ(Telugu movie piracy), ఓటీటీ కంటెంట్ ఉంది. దీంతో ఐ బొమ్మపై తెలుసు సినీ నిర్మాతలు పోలీసులకు ఫిర్యాదు చేశారు. ప్రొడ్యూసర్ల ఫిర్యాదు ఆధారంగా కేసు నమోదు చేసిన పోలీసులు దర్యాప్తు చేశారు. ఈ క్రమంలోనే ఐ బొమ్మ నిర్వాహకుడు పోలీసులకు సవాల్ విసిరాడు. తనను దమ్ముంటే పట్టుకోండి అంటూ పోలీసులకు సవాల్ విసరడం సంచలనంగా మారింది. ఈ కేసుపై ప్రత్యేక దృష్టి సారించిన పోలీసులు శనివారం రవిని అరెస్ట్ చేశారు. అతడు భార్యతో విడాకులు తీసుకుని ఒంటరిగా ఉంటున్నాడని సమాచారం. అరెస్ట్ అనంతరం అతడి అకౌంట్లో రూ. 3 కోట్లను పోలీసులు ఫ్రీజ్ చేశారు. సర్వర్లు లాగిన్ చేయించి పైరసీ కంటెంట్ చెక్ చేశారు.