పీడీఎస్ బియ్యం అక్రమ తరలింపు.. వాహనం పట్టివేత
మంచిర్యాల జిల్లా నెన్నెల మండల కేంద్రంలో పీడీఎస్ బియ్యాన్ని అక్రమంగా తరలిస్తున్నట ఓ వాహనాన్ని పోలీసులు పట్టుకున్నారు.
ఈ వ్యవహారంలో మంచిర్యాల ఎన్టీఆర్ కాలనీకి చెందిన ఓ వ్యక్తితో పాటు మరో యూట్యూబర్ పాత్రపై ఆరోపణలు వినిపిస్తున్నాయి. పీడీఎస్ బియ్యం అక్రమ తరలింపు దందాకు కొందరు అధికారులు సహకరిస్తున్నారనే ఆరోపణలు కూడా వెల్లువెత్తుతున్నాయి.
వాహనంలో ఉన్న బియ్యం ఎక్కడి నుంచి తరలిస్తున్నారు..? ఎక్కడికి తీసుకెళ్తున్నారు..? ఈ అక్రమ రవాణా వెనుక ఎవరెవరి పాత్ర ఉంది..? అనే కోణాల్లో పోలీసులు దర్యాప్తు చేస్తున్నట్లు సమాచారం.
అక్రమ పీడీఎస్ బియ్యం తరలింపులో ఎవరైనా అధికారులు.. ఇతర వ్యక్తులు భాగస్వాములై ఉన్నట్లు తేలితే వారిపై కూడా చర్యలు తీసుకోవాలని స్థానికులు కోరుతున్నారు.