సీసీఐ బకాయిలు చెల్లించేలా చ‌ర్యలు తీసుకోండి

సీసీఐ ఫ్యాక్టరీ ఆదిలాబాద్ మున్సిపాలిటీకి చెల్లించాల్సిన రూ. 4.44 కోట్ల బకాయిలను వెంటనే చెల్లించేలా ఆదేశాలు ఇవ్వాలని ఆదిలాబాద్ మున్సిపల్ కౌన్సిలర్లు కలెక్టర్‌ను కోరారు. వారు ఆయ‌న‌ను కలిసి వినతిపత్రం అందజేశారు. ఈ సందర్భంగా కౌన్సిలర్లు మాట్లాడుతూ సీసీఐ ఫ్యాక్టరీ డిస్మెంట‌ల్ అయిన నేప‌థ్యంలో మున్సిపాలిటీకి చెల్లించాల్సిన రూ. 4 కోట్ల 44 లక్షల బకాయిలను వెంటనే చెల్లించాలని కోరారు. మున్సిపాలిటీకి రావాల్సిన నిధులు అందేలా సీసీఐ అధికారులను ఆదేశించాలని జిల్లా కలెక్టర్‌ను కోరారు.

దీనిపై కలెక్టర్ మాట్లాడుతూ.. సీసీఐ బకాయిల విషయమై గతంలో పలుమార్లు ఢిల్లీ అధికారులతో మాట్లాడినట్లు తెలిపారు. ఈ సమస్య పరిష్కారం కోసం జిల్లా కలెక్టర్, అదనపు కలెక్టర్, మున్సిపల్ కమిషనర్, సీసీఐ మేనేజర్‌లతో కూడిన కమిటీని ఏర్పాటు చేసినా సీసీఐ అధికారులు స్పందించలేదని పేర్కొన్నారు. ఈ విషయంపై మరోసారి ఢిల్లీ స్థాయి అధికారులతో మాట్లాడి బకాయిల చెల్లింపునకు చర్యలు తీసుకుంటామని హామీ ఇచ్చారు.ఈ కార్యక్రమంలో మున్సిపల్ వైస్ చైర్మన్ రోహిత్‌, మాజీ మున్సిపల్ ఫ్లోర్ లీడర్ బండారి సతీష్, పర్వేజ్ మహబూబ్, నాక్సన్ , కిషోర్ సలీం , రషీద్ , రిజ్వాన్ , బబ్లు అన్నపూర్ణ, టీఆర్‌ఎస్, ఎంఐఎం, కాంగ్రెస్ పార్టీలకు చెందిన మున్సిపల్ కౌన్సిలర్లు పాల్గొన్నారు.