తప్పిన గని ప్రమాదం

శ్రీరాంపూర్ ఏరియా ఆర్ కే న్యూటెక్ గనిలో ప్రమాదం తప్పింది. 1 ఏ సీమ్, 13వ ప్యానెల్ వద్ద డీపిల్లరింగ్ పనులు నడుస్తున్నాయి. సైడ్ ఫాల్ శబ్దాలు రావడంతో కార్మికులు భయంతో పరుగులు తీశారు. దీంతో ఎలెక్ట్రిషియన్ సురేష్, జనరల్ మజ్దూర్ శ్రీనివాస్ కు గాయాలు అయ్యాయి. పరుగులు తీస్తున్న క్రమంలో సురేష్ ఎస్డీఎల్ యంత్రాన్నీ డీ కొట్టగా, శ్రీనివాస్ టబ్బులకు తాకి కింద పడ్డారు. వీరిని చికిత్స నిమిత్తం ఏరియా ఆస్పత్రికి తరలించారు. వీరిని కార్పొరేట్ చర్చల ప్రతినిధి ఏనుగు రవీందర్ రెడ్డి, న్యూటెక్ గని సెక్రటరీ జగన్ పరామర్శించారు.