కేర‌ళ‌లో కొత్త ర‌కం సెక్స్ రాకెట్
లైంగిక సుఖం కోసం ఎంత‌కైనా తెగించే ప‌రిస్థితులు దాపురించాయి. మ‌రీ దారుణంగా కేవ‌లం లైంగిక సుఖం కోసం సభ్య సమాజం తలదించుకునేలా భార్యల మార్పిడి చేసుకున్నారు. ఒక్క‌రు కాదు ఇద్ద‌రు కాదు ఏకంగా 1000 జంట‌లు ఈ సెక్స్ రాకెట్ లో పాలుపంచుకున్నాయి. కేర‌ళ‌లో ఈ కొత్త ర‌కం సెక్స్ రాకెట్ వెలుగుచూసింది. ఓ మ‌హిళా బాధితురాలి దీని గురించి పోలీసులకు ఫిర్యాదు చేయ‌డంతో ఈ సెక్స్ రాకెట్ బాగోతం వెలుగులోకి వ‌చ్చింది. లైంగిక సంబంధం కోసం భార్యలను మార్పిడి చేసుకున్న రాకెట్‌లో ఏడుగురు నిందితులను పోలీసులు అరెస్ట్ చేశారు. ఈ దారుణ ఘ‌ట‌న కేర‌ళ‌లో చోటుచేసుకుంది.
పోలీసులు వెల్ల‌డించిన వివ‌రాల ప్ర‌కారం.. లైంగిక సంబంధం కోసం భార్యలను మార్చుకున్నారు. ఈ ఘ‌ట‌న‌కు సంబంధించి ఏడుగురిని పోలీసులు అదుపులోకి తీసుకున్నారు. లైంగిక సుఖం కోసం భార్యల మార్చుకున్న ఈ రాకెట్ లో దాదాపు 1000 జంటల ప్రమేయం ఉన్నట్లు పోలీసులు అనుమానిస్తున్నారు. అయితే, ఇతర పురుషులతో లైంగిక సంబంధం పెట్టుకోవాలని బలవంతం చేశాడు ఓ భ‌ర్త. దీనికి ఒప్పుకోని బాధితురాలు.. త‌న భ‌ర్త‌పై కొట్ట‌యం జిల్లాలోని కారుకాచల్ పోలీసులకు ఫిర్యాదు చేసింది. దీనిపై కేసు న‌మోదుచేసుకున్న పోలీసులు విచార‌ణ ప్రారంభించారు. ఈ క్ర‌మంలోనే లైంగిక సంబంధం కోసం భార్యలను మార్చుకున్న ఘ‌ట‌న వెలుగులోకి వ‌చ్చింది.
లైంగిక సంబంధం కోసం భార్యలను మార్చుకుంటున్నార‌నీ, ఈ రాకెట్ లో భాగ‌మైన ఏడుగురిని అరెస్టు చేశామ‌ని పోలీసులు తెలిపారు. రెండు రోజుల్లో మరిన్ని అరెస్టులు జరిగే అవకాశం ఉందని పోలీసులు వెల్ల‌డించారు. ఇంతకుముందు కూడా రాష్ట్రంలో ఇలాంటి ఘ‌ట‌న‌లు వెలుగుచూశాయి. కాయంకుళం ప్రాంతంలో కూడా ఇలాంటి సంఘటనలు చోటుచేసుకున్నాయి. కేరళ రాష్ట్రవ్యాప్తంగా కార్యకలాపాలు నిర్వహించడానికి సోషల్ నెట్‌వర్కింగ్ సైట్‌లను ఉపయోగించుకున్నార‌ని పోలీసులు తెలిపారు. ‘‘భార్యలను మార్పిడి చేసుకున్నవారు టెలిగ్రామ్, మెసెంజర్ గ్రూపులలో చేరారు. అలా ఒకరికొకరు కనెక్ట్ అవుతారు. ఫిర్యాదు చేసిన మహిళ భర్తను అదుపులోకి తీసుకున్నాం. దీని వెనుక చాలామంది పాత్ర ఉంది. ఈ కేసుకు సంబంధించి మరికొంత మంది ఆచూకీ కోసం ప్రయత్నిస్తున్నాం’’ అని చంగంచెరి డీఎస్పీ ఆర్.శ్రీకుమార్ వెల్ల‌డించారు.
ఈ రాకెట్ భాగ‌మైన ప్ర‌ధాన నిందితులు రాష్ట్రంలోని మూడు జిల్లాలకు చెందినవారని, రాష్ట్రవ్యాప్తంగా ఉన్న వ్యక్తులు ఈ రాకెట్‌లో పాలుపంచుకున్నార‌ని పోలీసులు తెలిపారు. సమాజంలోని ఉన్నత స్ధాయిలో ఉన్న చాలా మంది వ్యక్తులు ఈ గ్రూప్‌లో ఉన్నారని కూడా వెల్ల‌డించారు. లైంగిక సంబంధం కోసం న‌డుపుతున్న ఈ రాకెట్ లో డ‌బ్బు కూడా చేతులు మారుతున్న‌ద‌ని తెలిపారు. 2019లో కాయంకులంలో భార్యల మార్పిడి నెట్‌వర్క్‌ను పోలీసులు ఛేదించిన విషయం తెలిసిందే. గతంలో సోషల్ నెట్‌వర్క్ యాప్ అయిన షేర్‌చాట్ సహాయంతో ఈ బృందం తమ భార్యలను సెక్స్ కోసం మార్చుకున్నట్లు నివేదించబడింది.