బతుకమ్మ వేడుకల్లో విషాదం

సద్దుల బతుకమ్మ వేడుకల్లో విషాదం చోటుచేసుకుంది.. పూల పండుగ వేళ ఓ కుటుంబంలో తీరని శోకం మిగిలింది.. బతుకమ్మ ఆడుతూ ఓ యువతి అకస్మాత్తుగా స్పృహతప్పి పడిపోయి ప్రాణాలు కోల్పోయింది.. కొమురం భీం ఆసిఫాబాద్ జిల్లా ఆసిఫాబాద్ మండలం బూరుగుడ గ్రామంలో ఈ విషాద ఘటన జరిగింది.. చింతలమానేపల్లి మండలం బాబాసాగర్‌కు చెందిన 25 ఏళ్ల శ్రీవాణి.. బతుకమ్మ వేడుకల్లో పాల్గొనేందుకు తన మేనత్త ఇంటికి వచ్చింది.. ఈ క్రమంలో బతుకమ్మ ఆడుతుండగా ఒక్కసారిగా కుప్పకూలిపోయింది.. కుటుంబ సభ్యులు, స్థానికులు వెంటనే ఆసుపత్రికి తరలించగా.. అప్పటికే ఆమె మృతి చెందినట్లు వైద్యులు నిర్ధారించినట్లు స్థానికులు తెలిపారు.. చెన్నైలో సాఫ్ట్‌వేర్ ఉద్యోగిగా పనిచేస్తున్న శ్రీవాణి మృతితో కుటుంబ సభ్యులు కన్నీరుమున్నీరవుతున్నారు..